2012年6月27日 星期三

銀芽肉絲炒麵

今晚只得我和阿女撐枱腳,於是我決定攪攪新意思,一於唔煮飯而煮阿女最愛食嘅炒麵!其實這是我第一次煮銀芽肉絲炒麵(平時亦甚少炒麵),我純粹是憑感覺加上我多年來在酒樓吃炒麵嘅記憶來完成的!結果..............又出奇地好味喎!阿女超開心,我影緊相時,她已經急不及待地伸手過來偷食脆卜卜麵了,食得津津有味之餘重話明天要再食呢!^0^

我個人覺得無論味道和賣相,比起酒樓煮的有九成相似,一啲都唔輸蝕架!(唔好意思,雖然我喺hard-sell咗啲,但喺這是事實喎!呵呵!^0^)

此外,自己煮作肯定是少油啲、健康啲和經濟啲,好易煮架咋,你哋都快啲試下啦!^_^


材料:
1個
銀芽 半斤
韮黃 4両
豬肉 90g (梅頭)
蒜蓉 少許
薑 2片

豬肉調味: 豉油1.5茶匙/砂糖0.5茶匙/粟粉 1/4茶匙/麻油和胡椒粉 各少許

茨汁: 史雲生清雞湯 120ml/ 粟粉 2茶匙/ 砂糖 1茶匙




  1. 燒熱半鍋水,加入1/2湯匙鹽和少許油,待水滾後加入麵餅,用筷子弄開麵條,煮約2-3分鐘,用筲箕盛起過冷河後,瀝乾水份備用。
  2. 豬肉洗淨後切絲,加入調味料醃15分鐘。
  3. 銀芽洗淨後,瀝乾水份備用。
  4. 韮黃洗淨後,瀝乾水份及切成小段備用。
  5. 將鑊燒熱後,加少許油爆香蒜蓉,落肉絲炒香後盛起備用。
  6. 用同一隻鑊(不用洗,讓韮黃可吸收肉汁),快手把韮黄炒至微微軟身後盛起備用。
  7. 燒熱一平底易潔鑊,落1湯匙油,加入麵條用筷子撥鬆及炒至乾身,然後用慢火煎香麵餅(若需時5分鐘),接著反轉煎香另一面(可加少許油來煎,麵條會更香脆)後,盛起備用。
  8. 將鑊燒熱後,加少許油爆香薑片(爆香後取走薑片),落银芽略炒一會(灑少許鹽吊味)後,加入韮黃及肉絲炒勻,隨即加入茨汁快手炒至杰身,舀起淋上脆卜卜麵餅上即成。


用水浸芽菜可防止變黑
  1. 芽菜去頭(豆)去尾(根)後就是銀芽了。
  2. 芽菜很容易變黑,若不是立刻煮,最好用清水浸著,直到煮前半小時才用筲箕盛起備用。
  3. 麵餅可到麵鋪,指明是用來做炒麵的便可,我在灣仔買的,每個麵餅只售$4.5。
  4. 其實若要麵煮得脆身,不免要落油;若有易潔鑊就可以用較少的油(都要用1-1.5湯匙油架)慢火煎至卜卜脆,若用普通的不銹鋼鑊就要用多些油(2-3湯匙)將麵半煎炸至脆卜卜了!
  5. 要麵煎得香脆,能分。否份被乾,反轉再


如要看更多製作過程的相片,請到:


If you like my recipe, please "Like" my page in Facebook! Thanks for your support! ^_^