炸芽菇片

今晩第一次炸芽菇片，原來又幾好玩喎，重好好味添！不過，最衰我個用來切片嘅食物處理器都係第一次「開張」，開頭我唔係好識控制，攪到切碎咗好多芽菇！＞.＜
最後，只係得一碟製成品，我用曲奇袋盛起再用封口機封好，看起來好「西化」啊，似薯片多啲呢！一啲都唔似賀年食品-炸芽菇片啊！

啲芽菇片係咪炸得好靚仔，好想即刻拆開一包嚟食呢？

我聽日一於再去買多啲芽菇再炸過先得！我諗用嚟送禮都應該唔錯，起碼無蒸糕咁大工程嘛！^_^