其實我不嬲都鍾意整野食嫁，過以前就好少會影相做紀綠，重好多時都冇記低食譜，攪到有時想再整返都唔記得點整！>.<
到去年年底才開始整蛋糕和曲奇餅，就開始影低啲相在 facebook 同我啲朋友仔分享！
但越整越多後，我又怕post得太密會悶親我啲朋友，始終唔係個個都鍾意整嘢食嘛！
終於喺朋友Sherine鼓勵下，上個月起終於「的」起心肝開始寫blog喇！
但我發覺原來唔係個個都可以喺個blog到留言嫁，都唔知究竟別人有冇興趣和鍾唔鍾意！
冇乜feedback真係冇乜動力寫食譜嫁(因為唔識打中文，用手寫版嚟寫真係好慢好麻)！
但自從係 Baby Kingdom 分享後，見咁多人欣賞我的食物，真係超開心呢！
我要返工嫁，只係請part-time姨姨朝早湊阿女(阿女返下午班）我就返工，回家湊完阿女返學後我又再返工！放工後又要煮飯湊女，要等佢瞓咗先開始「阿戊整餅」，整完通常都已三更半夜了！
其實我真係冇乜時間寫食譜和寫blog嫁！
不過，我宜家好似上咗癮咁，就算返工嘅時候都常常諗，重有乜嘢可以整嚟同大家分享呢？嘻嘻！
希望大家可以多啲喺 BK或 facebook回應我吖，我會繼續寫多啲食譜和大家分享嫁喇！！
恭喜你呀!
回覆刪除好鐘意你整既野. 好靚好吸引, 令我好想食!
多謝你的好介紹先!
回覆刪除如果唔係你肯同人分享, 我又唔會識得整雪糕, 牛油 ... diy 食品好過自己超市買 yeah !!!
加油呀! 我好鍾意你個BLOG呀! 我都好鍾意整野食嫁~
回覆刪除其實我一路睇都一路諗緊, 呢個媽媽係咪家庭主婦黎呢
點知原來係要返工, 好犀利呀!
我好佩服D媽媽返工之餘但都有時間照顧仔女
支持你! :)
我都係中學時最愛上烹飪堂，上足一日咁濟，又係忽然係二年前重提煮食既興趣，工餘做個周日煮婦，又愛嘗試新菜式煮完半夜三點仲要等d餸菜攤凍放雪櫃
回覆刪除多謝你留言俾我呀！很高興認識你這位志同道合的朋友，請問你有寫blog嗎？
刪除作者已經移除這則留言。
刪除