香煎蒜蓉牛油大海蝦

我老公係蝦精嚟架！去飲茶時實要食蝦餃、鮮蝦腐皮卷、蝦腸..........總之無蝦不歡啦！

今日我買咗一斤花竹蝦做餸，預留了四隻較大的俾老公今晚做宵夜！食到佢舔舔脷，大叫唔夠喉！！嘻嘻！

緊係啦！平時若是以蝦做餸，他一定起碼半斤以上！但現在當宵夜就太heavy太高膽固醇喇，唯有煮少少等佢過下口癮囉！（因為最近好少下廚煮嘢俾老公食！）^_^



材料：大海蝦 4隻/ 粟粉、 蒜蓉、牛油及 芝士粉 各少許

調味：鹽及胡椒 各少許

做法：

1. 用剪刀剪去蝦頭尖銳的部份（包括眼睛）和所有蝦腳。
2. 用菜刀把所有蝦切成兩半。
3. 灑少許鹽和胡椒調味後，撲一層薄薄的粟粉上面。
4. 燒紅鑊後，加入1/2 湯匙油把蒜蓉爆香。
5. 把蝦平放在鑊中（蝦肉向下），用大火煎約１至２分鐘，轉慢火再煎１至２分鐘後加入少許牛油。
6. 煎至約八成熟後，灑少許芝士粉，用鑊鏟怏手拌勻即可上碟。