我焗的第一盤包包

上星期睇完東張西望，講出面賣的麵包落咗好多色素和添加劑，昨晚終於「的」起心肝試做咗我第一盤麵包喇，係最簡單的甜餐包！^_^未試過之前，一諗起要等發酵幾次，好似好麻煩咁，又怕自己冇記性，放埋一邊會唔記得咗，所以遲遲都冇動手做................>.<
但原來整麵包又唔係想像中咁難同咁麻煩喎，重幾好玩添！^0^

雖然塗蛋漿時唔夠快手，麵團有啲縮回少許，但至少發酵成功，又焗得成型吖（我第一次整，好低要求咋！），食落味道都唔錯，阿女就嫌淡少少（我食就覺得夠甜，但佢食慣外面的甜餐包），不過第一次整重有得食（我預咗會失敗要丟架！），我已經好滿意，今晚一於再整過！^0^