我個人覺得無論味道和賣相，比起酒樓煮的有九成相似，一啲都唔輸蝕架！（唔好意思，雖然我喺hard-sell咗啲，但喺這是事實喎！呵呵！^0^）
此外，自己煮作肯定是少油啲、健康啲和經濟啲，好易煮架咋，你哋都快啲試下啦！^_^
材料：（ｌ–２人份量）
麵餅1個
銀芽 半斤
韮黃 4両
豬肉 90g （梅頭）
蒜蓉 少許
薑 2片
豬肉調味： 豉油1.5茶匙／砂糖0.5茶匙／粟粉 1/4茶匙／麻油和胡椒粉 各少許
茨汁： 史雲生清雞湯 120ml/ 粟粉 2茶匙/ 砂糖 1茶匙
做法：
- 燒熱半鍋水，加入1/2湯匙鹽和少許油，待水滾後加入麵餅，用筷子弄開麵條，煮約2-3分鐘，用筲箕盛起過冷河後，瀝乾水份備用。
- 豬肉洗淨後切絲，加入調味料醃15分鐘。
- 銀芽洗淨後，瀝乾水份備用。
- 韮黃洗淨後，瀝乾水份及切成小段備用。
- 將鑊燒熱後，加少許油爆香蒜蓉，落肉絲炒香後盛起備用。
- 用同一隻鑊（不用洗，讓韮黃可吸收肉汁），快手把韮黄炒至微微軟身後盛起備用。
- 燒熱一平底易潔鑊，落1湯匙油，加入麵條用筷子撥鬆及炒至乾身，然後用慢火煎香麵餅（若需時５分鐘），接著反轉煎香另一面（可加少許油來煎，麵條會更香脆）後，盛起備用。
- 將鑊燒熱後，加少許油爆香薑片（爆香後取走薑片），落银芽略炒一會（灑少許鹽吊味）後，加入韮黃及肉絲炒勻，隨即加入茨汁快手炒至杰身，舀起淋上脆卜卜麵餅上即成。
 |
| 用水浸芽菜可防止變黑 |
- 芽菜去頭（豆）去尾（根）後就是銀芽了。
- 芽菜很容易變黑，若不是立刻煮，最好用清水浸著，直到煮前半小時才用筲箕盛起備用。
- 麵餅可到麵鋪，指明是用來做炒麵的便可，我在灣仔買的，每個麵餅只售$4.5。
- 其實若要麵煮得脆身，不免要落油；若有易潔鑊就可以用較少的油（都要用1-1.5湯匙油架）慢火煎至卜卜脆，若用普通的不銹鋼鑊就要用多些油（2-3湯匙）將麵半煎炸至脆卜卜了！
- 若要麵煎得香脆，油最好能分兩次落。否則，當煎完一邊後，油份被吸乾，反轉再煎另一邊時就唔脆了！
如要看更多製作過程的相片，請到：
If you like my recipe, please "Like"
my page in Facebook! Thanks for your support! ^_^
謝謝！
回覆刪除