零難度糖醋排骨

我最鍾意食甜甜酸酸嘅菜式，雖然生炒排骨是我至愛（每次出外食中菜都一定order ^_^)，但自己煮又要開油鑊炸排骨，又要自己整醬汁和炒配菜（三色辣椒、洋蔥、菠蘿各少許........），想起都覺麻煩呢！>.<


今次就為大家介紹一款超級簡易的糖醋排骨啦！^_^


這道菜最啱初學或平時唔多煮餸的朋友用來宴客，皆因除了要醃肉外就不用再較茨汁或調味，而就算唔識醃肉或醃得唔夠味都唔怕，因為煮好後還可在醋中加調味再浸一會，排骨就會變得夠味了。這道菜材料簡單又可預早整定（排骨更可預早一日醃定），只要宴客當日預早2-3小時煮好，晚上再煮熱就食得喇，真正零難度呢！^_^


我今次就早一晚煮好，盛起排骨放雪櫃（不連醋），另烚了十隻雞蛋，剝殼後放進醋中，煮滚後熄火浸一日即可，因此今晚還有糖醋蛋食呢！啲糖醋蛋同煲薑醋嗰啲蛋一樣味道，但就唔駛等朋友生BB請你至有得食，又唔駛自己煲薑醋咁大工程至有得食囉（煲薑醋要花好多功夫來刨薑和整豬手，最重要係我食薑醋淨係鐘意食蛋咋！>.<），重可以用來餸飯和撈汁添！正呀！^0^

材料：（４-６人份量）

甜醋 一支（約有822g）

黑米醋 40g

排骨 550g 

薑 數片

蒜蓉 少許

調味（醃排骨）： 

豉油 3湯匙 / 砂糖 ｌ湯匙 / 胡椒粉及麻油各少許

做法：

1. 排骨洗淨後，加調味醃至少三小時，若醃過夜更佳。
2. 燒熱瓦鍋後，落少許油先爆香薑片，然後再爆香蒜蓉，最後落排骨爆香。
3. 倒進甜醋和黑米醋，煮滾後轉慢火煮半小時，然後熄火再焗１-２小時便可享用了。如喜歡撈汁的，可將其中半碗至一碗的醋煮至微杰後，淋上排骨面即可。

備註：

1. 煮醋一定要用瓦煲，不能用金屬器皿。因為金屬器皿與醋會產生化學變化及有害物質，可能會影響健康呢！同樣道理，盛載醋排骨時，亦不能用金屬或膠器具！
2. 買排骨時最好揀較大舊和肥一點的。揀較大舊是因為甪醋煮完後會縮細很多，如排骨太細舊，煮完就無乜肉食了；揀肥一點是因為醋會把肉的水份抽去，如排骨太瘦，煮完就會太乾及好「鞋」唔好食了。除非是很趕時間，煮一小時後便要立刻享用，為了讓排骨快些入味，這樣就要揀細舊一點的排骨了（但仍要肥一點的）！
3. 煮好後，排骨最多只能在醋中浸三小時左右，若不是立刻享甪，便要盛起排骨，以免變得太乾太硬，便不好味了。
4. 煮完排骨的醋可用玻璃瓶盛載留起再用，但要先煮滾再放涼後才放雪櫃儲存，下次再煮時再加少許新的甜醋便可！若怕肥，可先倒去表面的油（煮排骨出的油）再雪藏備用。
5. 甜醋和黑米醋我是用灣仔鉅利醬園的！我嗰時大肚煲薑醋都係用佢，個人覺得好味過八珍甜醋！

如要看更多製作過程的相片，請到：
http://www.facebook.com/media/set/?set=a.204347896301797.49674.160110140725573&type=1

If you like my recipe, please "Like" my page in Facebook! Thanks! ^_^

京蔥爆肥牛

我其實好鍾意食牛肉架，今晚就整咗京蔥爆牛肉！

今晚遲收工，煮呢味餸就最啱喇！因為好易煮，連醃、連洗和煮都唔駛半個鐘就煮好一味餸喇！Yeah！^0^

真係好好味架！用嚟送飯真係一流（不過我今晚就用嚟送米線，都好正喎）！^_^

大家都不妨轉下口味吖，啲京蔥好甜好好味架！^_^




材料：
肥牛 150g
大蔥 1-2條
薑片 2塊（切成幼條）

調味（肥牛）：
豉油 3/4湯匙
砂糖 1茶匙
麻油、胡椒粉 各少許

做法：

1. 肥牛解凍後，加調味醃約15分鐘備用。
2. 把大蔥用水冲洗乾淨，撕去表面較老的1-2層皮，切去頭尾不要，然後斜斜切成幼條備用。
3. 當鑊燒熱後，落少許油爆香薑片，然後落大蔥甪中火炒至開始軟身。
4. 轉大火後落肥牛快炒，最後落少許栗粉水埋茨，即可上碟享用了。

備註：

1. 若怕炒得唔夠快手攪到肥牛太熟而變韌，可以把肥牛略炒一會（約八成熟）即連大蔥盛起，剩下肉汁在鑊裡，加少許栗粉水埋茨至杰身後熄火，這時才把肥牛和大蔥一起回鑊炒勻上碟，鑊的餘溫剛好把肥牛弄熟，這樣的牛肉一定十分嫩滑可口！
2. 大蔥不要切得太幼，要斜斜切成蔥段，否則好易炒到散晒，影響口感和賣相。

如要看更多製作過程的相片，請到：

http://www.facebook.com/media/set/?set=a.199826860087234.48432.160110140725573&type=1

If you like my recipe, please "Like" my page in Facebook! Thanks for your support! ^_^

香芧豬頸肉

同我老公去食越南或泰國菜，他一定叫炭燒豬頸肉，但外面食的份量又少又貴又唔係用新鮮豬肉，好唔抵囉！

今日行過香料舖見有香茅賣，就決定今晚整香茅豬頸肉啦！（我買咗一扎-$5）

做法好簡單！將豬頸肉洗淨後，用豉油、糖、麻油和胡椒粉加埋切碎的香茅醃兩小時，然後用鑊慢火把兩邊煎香，切片便可上碟了！超簡單又美味，正呀！
我只吃了兩片咋，其餘的俾我老公食晒！！>.<

材料：

豬頸肉 一塊（約200g）

調味： 

豉油 ２1/2湯匙 / 砂糖 １湯匙 / 麻油和胡椒粉 各少許 / 香茅 ｌ支

做法：

1. 豬頸肉洗淨後落調味醃最少兩小時備用。
2. 將鑊燒熱後，落少許油，先用大火煎兩分鐘後轉慢火再煎三分鐘，然後反轉再煎約五分鐘，即可熄火切片上碟了。

備註：

1. 豬頸肉宜先在兩面花後才醃，一來較易入味，二來亦較易煎熟。
2. 香茅宜先拍一拍後才切碎來醃豬頸肉，會較易出味。

若想看多些製作圖片，請到：

http://www.facebook.com/home.php?#!/media/set/?set=a.198594626877124.47998.160110140725573&type=1

If you like my recipe, please "Like" my page in Facebook, Thanks! ^_^

秋日湯水- 紅蘿蔔粟米栗子煲西施骨

秋天天氣開始乾燥，真係要煲多啲湯水滋潤下！秋天最啱食栗子喇，合時之餘又夠滋潤，重可以去骨火添（夜瞓就最易有骨火喇-講緊我自己！嘻嘻 ^_^），即係成曰覺得膊頭好攰、感覺好重咁呢！所以我今晚就用咗栗子煲湯，一於潤一潤先！啖湯好甜好好味啊！^0^




材料：
清水 4.5L
西施骨 1斤
栗子 1磅
紅蘿蔔 1個
粟米 3條
南北杏 40g
乾瑤柱 5粒
蜜棗 3粒

做法：

1. 西施骨汆水備用。
2. 栗子去衣備用。
3. 紅蘿蔔和粟米去皮、洗淨和切件備用。
4. 南北杏 、乾瑤柱和蜜棗洗淨瀝乾備用。
5. 用大鍋把清水煲滾，然後放進所有材料，用大火煲一小時後轉中火再煲一個半小時即可享用了。

備註：

1. 栗子的營養價值：含有大量澱粉、蛋白質、脂肪、B族維生素等多種營養素，素有「乾果之王」的美稱。能防治高血壓病、冠心病、動脈硬化、骨質疏鬆等疾病。
   同時常吃對日久難癒的小兒口舌生瘡和成人口腔潰瘍有益。
   中醫認為栗子能補脾健胃、補腎強筋、活血止血。對腎虛有良好的療效，故又稱為「腎之果」，特別是老年腎虛、大便溏瀉更為適宜，經常食用能夠愈病健身。《維基百科》
2. 栗子普遍分兩種：（左）桂林錐﹕較圓身，頂部有尖端；質地較粉，容易煮「淋」，適宜用來炆或製作栗子蓉。（左）普通栗子：較扁身；需較長時間煮「淋」，適合用來煲湯。但我個人比較喜歡食桂林錐，所以今次我都是用桂林錐來煲湯。

3. 栗子去「衣」的方法：用小鍋煮滾一鍋熱水，放人栗子後加蓋熄火焗約10分鐘，然後逐少取出用毛巾輕捽便可輕易去除栗子「衣」了，記住一定要趁熱做才能輕易去「衣」啊。
4. 揀靚紅蘿蔔小貼士：最好揀有泥、較重身、較深色、最好頂頭有少許紫紅色更佳（會較甜）

style="border-bottom: medium none; border-left: medium none; border-right: medium none; border-top: medium none;">http://www.facebook.com/pages/Jennifers-Kitchen/160110140725573#!/photo.php?fbid=198563450213575&set=a.162256663844254.40709.160110140725573&type=1&theater

If you like my recipe, please "Like" my page in Facebook, Thanks! ^_^

豉汁帶子蒸豆腐

今晚整咗老公至愛食嘅帶子，我都好耐無食過豉汁帶子蒸豆腐了，用嚟撈飯食，Yummy！ Yummy！！^_^ 我就貪心咗啲，一整就整咗兩大碟，嘻嘻！

材料：
急凍帶子 170g
布包豆腐 3件

豉汁：
豆豉 4g
蒜蓉 20g
豉油 1.5湯匙
砂糖 1茶匙
麻油 1茶匙
胡椒粉 少許

做法：

1. 帶子解凍後，抹乾，加入1/4茶匙鹽和少訐胡椒粉醃一小時備用。
2. 用刀柄把蒜落豆豉「中」至混合，再加ｌ1/2湯匙豉油、１茶匙砂糖、１茶匙麻油和少許胡椒粉拌勻即成豉汁。
3. 豆腐先用大火蒸３分鐘，倒去豆腐水後，切件鋪在碟上，在豆腐面先撲少許粟粉，再鋪帶子。
4. 在帶子面淋豉汁、灑花，最後再灑少訐鹽、豉油和生油。
5. 待水滾後，落鑊用大火蒸７分鐘即可。（若用不銹鋼碟蒸，因傳熱較快，大火蒸的5分鐘即可。）

備註：

1. 帶子宜切成較薄身來蒸（我就把帶一開二），會較易蒸熟。

若想看多些製作圖片，請到：
http://www.facebook.com/media/set/?set=a.197320183671235.47283.160110140725573&type=1

If you like my recipe, please "Like" my page in Facebook, Thanks! ^_^

自製咸蛋

其實我上星期已去街市買咗15隻新鮮鴨蛋，但阿女病咗幾日，她昨日好番啲，我先有時間醃咸蛋，但都要等她瞓咗，半夜三更先整囉！>.<

我參考了christine 嘅簡易食譜，鹽：水比例1：4，另加了些花椒、八角和玫瑰露（玫瑰露是我去年自製臘肉時用剩的，我上網見別人多數用紹酒和米酒做，但我見做月餅前都用玫瑰露醃一醃啲咸蛋黃，所以就選用玫瑰露啦！）

其實我問過賣蛋嗰個伯伯，佢話佢都只是用鹽來醃咸鴨蛋，所以若想簡單啲，亦可只用鹽水來醃製，甚至在蛋面塗一層酒再用粗鹽包著（再用膠袋包住）放一個月即成，連玻璃瓶都慳番！

啲花椒、八角和玫瑰露加埋一齊真係好香啊！但要等成個月先知成果，真係好期待呢！


不如大家一齊整，一齊等result，一齊煮自製咸蛋吖！
無鴨蛋用雞蛋都得架！！^_^

材料：
鴨蛋 12隻+ 雞蛋 4隻
清水 1000g
粗鹽 250g
花椒、八角 各少許
玫瑰露 ３湯匙

做法:

1. 將清水、粗鹽、花椒八角各少許放進小鍋中，用慢火煮至所有鹽完全溶化後，熄火放涼備用。
2. 將所有蛋清洗乾淨，抹乾備用。
3. 將蛋先浸一浸玫瑰露才逐隻小心放進玻璃瓶中。
4. 倒進已完全放涼的鹽水，最後加入３湯匙玫瑰露，封蓋浸30-40日即成。

備註：

1. 清洗鴨蛋時，切記不要把蛋浸在水中，可以用濕布逐隻捽乾淨，然後再用清水冲一冲即可。
2. 雞蛋的蛋殼比鴨蛋厚，所以比鴨蛋要醃耐一點。
3. 若30日後可取出其中一隻煮熟試食，若已夠味和蛋黃已出油，便可取出所有咸蛋，抹乾後可在雪櫃儲存約一個月左右。若未夠味，可再浸多10日後才試食。

若想看多些製作圖片，請到：
http://www.facebook.com/home.php?#!/media/set/?set=a.196873290382591.47196.160110140725573&type=1

If you like my recipe, please "Like" my page in Facebook, Thanks! ^_^

栗子炆排骨

突然好想食栗子炆雞，但趕唔切買新鮮雞來煮，唯有炆住排骨先囉！

排骨是從我姨丈處買的（我姨丈賣豬肉的，我食的所有豬肉都是從他那裡買的，因為一定淋唔韌），所以啲排骨好「淋」好好味，用埋啲栗子汁撈飯，正呀！^0^

材料：
排骨 160g
栗子 200g
蒜蓉 少許

排骨調味：
豉油 2茶匙
砂糖 1茶匙
麻油、胡椒粉各少許
(以上份量只是大概，請隨個人口味加以調較！）

做法：

1. 首先將排骨洗淨瀝乾，加入調味醃最少2小時備用。（因用來炆的排骨較大件，需要醃製較長的時間才會入味，約能醃過夜更佳）
2. 栗子去「衣」後冼淨備用。
3. 把鑊或鍋燒熱後加少許油，放入栗子輕輕炒香，加入一碗清水加蓋煮滾後，轉細火煮15分鐘熄火，然後再焗15分鐘。
4. 燒熱另一隻鑊，加少許油把蒜蓉爆香，落排骨炒香至七成熟後，盛起備用。
5. 將栗子再煮滾，落排骨輕輕兜勻，加蓋用細火再煮10分鐘，然後開蓋落調味（鹽1／4茶匙，豉油1／2茶匙，砂糖1／2茶匙，麻油少許）兜勻，最後加少許粟粉水煮至微杰，即可熄火上碟享用。

備註：

1. 栗子的營養價值：含有大量澱粉、蛋白質、脂肪、B族維生素等多種營養素，素有「乾果之王」的美稱。能防治高血壓病、冠心病、動脈硬化、骨質疏鬆等疾病。
   同時常吃對日久難癒的小兒口舌生瘡和成人口腔潰瘍有益。
   中醫認為栗子能補脾健胃、補腎強筋、活血止血。對腎虛有良好的療效，故又稱為「腎之果」，特別是老年腎虛、大便溏瀉更為適宜，經常食用能夠愈病健身。《維基百科》
2. 栗子普遍分兩種：（左）桂林錐﹕較圓身，頂部有尖端；質地較粉，容易煮「淋」，適宜用來炆或製作栗子蓉。（左）普通栗子：較扁身；需較長時間煮「淋」，適合用來煲湯。

3. 栗子去「衣」的方法：用小鍋煮滾一鍋熱水，放人栗子後加蓋熄火焗約10分鐘，然後逐少取出用毛巾輕捽便可輕易去除栗子「衣」了。去「衣」後的栗子很快會由黄色轉為啡色，若想保持原色，去「衣」後最好立刻放入一碗清水中備用及盡快使用。
4. 最後埋茨時，切記不要煮太杰，因為上碟後茨汁會較在鍋中剛熄火時杰身。

若想看多些製作圖片，請到：
http://www.facebook.com/home.php?#!/media/set/?set=a.195566920513228.46907.160110140725573&type=1

If you like my recipe, please "Like" my page in Facebook, Thanks! ^_^

是日甜品--椰汁芋頭西米露

今晚冇煲湯，決定煮好耐冇食過的芋頭西米露！
自己煲，落足料，真係比出面食嗰啲（又稀又冇乜芋頭！）好味好多好多.............Yummy! Yummy! ^_^
我煲咗一大煲，明天與親友一同分享！ Yeah！

材料：
芋頭 ｌ個 ( 約 800g）
西米 140g
清水 2.5L
砂糖 50g （用來煮西米的）
冰糖 190g
椰汁 200g （可隨個人喜好加減）

做法：

1. 首先用小鍋煲滾600g熱水和50g砂糖，然後加入西米用細火煲10分鐘再焗15分鐘，氽水過冷河，用少許清水浸住備用。
2. 芋頭去皮切粒備用。
3. 用大鍋煲滾2.5L清水，加入芋頭粒用中火煲20分鐘後加入冰糖再煮10分鐘。
4. 加入已倒去多餘水份的西米和椰漿，再用中火煮滾後即可熄火，盛起享用了。

備註：

1. 將芋頭去皮和切粒時，一定要戴手套，否則芋頭的汁液會引致皮膚痕癢！要小心啊！
2. 芋頭切開後會氧化變色，所以最好切好後立刻加入滾水中煮。
3. 煮好的西米要過冷河，若不是立刻用，一定要加水至蓋過西米備用，否則太乾又放得耐，西米會黏在一起分不開了。將西米加入芋頭糖水前，最好再一邊沖水一邊用筷子輕輕攪拌，讓西米分開成一粒粒，然後瀝乾水份才加入芋頭糖水中，煮起時便會粒粒分明較為美觀了。
4. 我喜歡把芋頭煮得淋些爛些，但若喜歡較有咬口的芋頭，可把烹調時間減少10分鐘。
5. 我食譜的份量夠十人食有多，所以一罐細椰漿 (200ml) 已足夠！若是2人份量可用1/4材料試煲，芋頭多啲就會紫紫地色喇！切芋頭時可以有啲切大啲（煲完會有粒粒芋頭食），有啲切細啲（煲完溶晒就會紫紫地，吃起來就啖啖芋頭香喇！）。

http://www.facebook.com/notifications?id=160110140725573#!/photo.php?fbid=192243857512201&set=a.162256663844254.40709.160110140725573&type=1&theater

If you like my recipe, please "Like" my page in Facebook! Thanks! ^_^

薯仔番茄煲紅衫魚湯

自從之前和阿女相繼病倒後，唔敢再偷懶唔煲湯飲！前日煲青紅蘿蔔，今日就煲魚湯！yummy！^_^

其實我自細就唔係好識「倫」骨，成日鯁骨，重試過要去醫院添呀！＞.＜所以我通常只會買無骨嘅魚柳來食，間唔中有時間先會蒸成條游水魚食咋！重一定要食得好慢，唔可以心急架！真係好怕又鯁骨囉，有陰影呀！＞0＜ 因此，我選擇每星期都煲一次魚湯飲來代替食魚囉！（係我啫！阿女中午姨姨會煮三文魚俾佢食的！）^_^

 

我留起2支魚湯俾阿女聽日飲！阿女好鍾意飲湯！



粟米班塊

見呢排食嚟食去都係豬肉，昨晚就轉下口味煮下魚柳囉！
平時我多數是煎三文魚，因為夠簡單又香口又有益！我今次喺第一次整粟米班塊咋，成日怕開油鑊很麻煩，但昨晚整落都幾容易吖，我用了半盒粟米湯加少許水埋茨做粟米汁，好好味，阿女食到"lam lam"咀！
下次一於整多次俾老公試下先！（昨晚佢返咗工，冇佢份！嘻嘻) ^_^

材料：
魚柳 200g
粟米湯 半盒
水 60g

調味：
鹽、胡椒粉和檸檬汁 各少許

做法：

1. 魚柳解凍後，抹乾水份，切成小塊，加少許鹽、胡椒粉和檸檬汁醃10分鐘。
2. 將魚柳先塗上蛋汁，再上粟粉。
3. 立刻放進已燒熱的油鑊中，用中火炸至金黃色後，放在吸油紙上備用。
4. 用半盒粟米湯加60g水和1/4荼匙鹽煮滾後，加入少許粟粉水煮至微微杰身，便可熄火。
5. 加入已炸好的魚柳快手拌勻，即可上碟了。

如要看製作過程的相片，請到：
http://www.facebook.com/home.php?#!/media/set/?set=a.188574611212459.45523.160110140725573&type=1

If you like my recipe, please "Like" my page in Facebook! Thanks! ^_^