自製漏油咸蛋

今年中秋遲來了，讓我有充足時間準備做傳統的中式月餅。第一樣要準備的就是醃咸蛋喇，而且不經不覺已醃了一個月，食得喇！個咸蛋黃重漏晒油好香添，係咪見到都流口水呢？其實咸蛋超易整，你都快啲動手做啦！^0^

今晚冇煮飯，本來諗住烚一隻咸蛋吃少許試試味，點知見個黃漏晒油咁正，居然半夜三更將整個咸蛋黃空囗食晒啊！yummy! Yummy! 好香好正呀！不過今次真係肥死囉！>.<

我今次共醃了三十隻咸蛋，準備用來做月餅的。

材料：
鴨蛋 15隻
清水 1000ml （約5飯碗水多少少）
粗鹽 250g（半包粗鹽；約1飯碗左右）
玫瑰露 1湯匙

做法:

1. 將清水和粗鹽放進小鍋中，用慢火煮至所有鹽完全溶化後，熄火放涼備用。
2. 將所有鴨蛋清洗乾淨，抹乾備用。
3. 將鴨蛋先浸一浸玫瑰露才逐隻小心放進玻璃瓶中。
4. 倒進已完全放涼的鹽水，最後加入３湯匙玫瑰露，封蓋浸30-40日即成。

備註：

鹽溶化後可能會有些沙沉底

1. 清洗鴨蛋時，切記不要把蛋浸在水中，可以用濕布或乾淨牙刷沾少許水刷去蛋殼上的污潰，然後再用清水冲一冲，立刻用乾布抹乾即可。
2. 用雞蛋來做亦可，但雞蛋的蛋殼比鴨蛋厚，所以比鴨蛋要醃耐一點。
3. 有些粗鹽含有雜質，當鹽溶化後可能會有些沙沉底，因此鹽水宜先過篩隔去雜質後才用來醃咸蛋。
4. 將鴨蛋先浸一浸玫瑰露才醃，目的是為了消毒。此外，用來醃咸蛋的玻璃瓶亦宜先以熱滾水沖洗後（ 消毒 ）才用，以防鴨蛋變壞。 
5. 若30日後可取出其中一隻煮熟試食，若已夠味和蛋黃已出油，便可取出所有咸蛋，抹乾後可在雪櫃儲存約一個月左右。若未夠味，可再多浸幾天後才試食。

若想看多些製作圖片，請到：

http://www.facebook.com/media/set/?set=a.380566482013270.84548.160110140725573&type=1

If you like my recipe, please "Like" my page in Facebook, Thanks! ^_^

自家製肥牛珍珠漢堡

今晚攪攪新意思，食自家製的肥牛珍珠漢堡，阿女見到超興奮，好快就食晒，重話明天要再食喎！^0^

其實我只不過將我常常煮嘅肥牛加個薄茨，用飯夾住嚟食，容易做得嚟又有新鮮感架，大朋友小朋友都一樣鍾意呢！^_^

材料：（份量做到兩個漢堡）
珍珠米 200g ( 加水～230ml煮成飯）
肥牛 190g
紫洋蔥 100g
彩椒100g
椰菜 50g
薑 數片

肥牛調味： 豉油 1.5湯匙 / 砂糖1.5茶匙 / 粟粉 0.5茶匙 / 麻油和胡椒粉 各少許 / 清水0.5湯匙

茨汁： 豉油 1 湯匙 / 砂糖1 茶匙 / 粟粉 1茶匙 / 麻油和胡椒粉 各少許 / 清水 1.5湯匙

做法：

1. 將200g米洗淨後加約230ml水煮成飯後，用筷子扒鬆後備用。
2. 肥牛加入調味醃最少15分鐘備用。
3. 將彩椒、椰菜和洋蔥洗淨後切絲備用。
4. 首先將飯平均分成四份（每份若100g左右），然後用保鮮紙包成一個圓球狀，輕輕握實後用掌心按扁，再用一隻碟將飯平均壓成一個圓餅狀，脫去保鮮紙備用。
5. 當鑊燒熱後落少許油，把飯餅的兩邊用細火慢慢煎香至表面形成一層硬薄膜後，盛起備用。
6. 當鑊燒熱後落少許油爆香薑片，然後用大火快手爆香肥牛，盛起備用。
7. 當鑊燒熱後，用慢火炒香洋蔥至略為軟身後，加入彩椒和椰菜同炒，再加入牛肉汁炒一會後（所有找材料都軟身後）便可埋茨，最後落肥牛快手炒勻立刻熄火及盛起備用。
8. 將兩片已煎香的飯餅夾入適量的肥牛餡料後，即成美味的肥牛珍珠漢堡了。

備註：

1. 我選用的是点点綠的有機珍珠米，但由於每隻珍珠米的受水情度不同，以上米和水作的比例只作參考，請自行調較米水以煮出偏硬的米飯為佳。
2. 由於飯餅的兩邊巳用細火慢慢煎香至表面形成一層硬薄膜，因此食珍珠漢堡時若能用牛油紙像包漢堡包般夾住來吃便不易散了。
3. 由於珍珠米比較黏，若用普通米來倒又唔加醋會好易散的！此外，珍珠米亦比較煙韌，和肥牛一起吃囗感較佳！

如要看更多製作過程的相片，請到：

http://www.facebook.com/media/set/?set=a.372857742784144.82171.160110140725573&type=1

If you like my recipe, please "Like" my page in Facebook! Thanks for your support! ^_^

自製熊仔雪糕月餅

俾我發現Jusco有呢個熊仔模，我梗係要幫大家試下好唔好用啦！你哋話靚嗎？

 今次整咗綠茶雪糕加芒果雪葩！  

$12有兩個，雖然質地又薄又軟，但勝在抵用又啱size! ^_^

http://www.facebook.com/media/set/?set=a.371838272886091.81891.160110140725573&type=1

自製Hello Kitty 雪糕月餅

芒果雪葩

綠茶雪糕

粒粒士多啤梨雪糕（無蛋、不用雪糕機）

材料﹕

士多啤梨 300g

淡忌廉 180g

煉奶 40g (這份量是少甜版，請根據個人口味和士多啤梨的甜度自行調較)

做法﹕

1. 士多啤梨洗淨後，將其中200g切成大粒，放進冰格雪至硬身備用；其餘100g則切成小粒，放雪櫃冷藏備用。
2. 將所有材料放進攪拌器內打至軟滑，然後用保鮮紙蓋好放進冰格冷藏。
3. 約ｌ小時後取出雪糕糊用電動打蛋器打鬆一次，放回冰格冷藏；約1小時後再重覆做1次，接著加入士多啤梨粒，輕輕拌勻後倒另一有蓋的盒子中，放回冰格冷藏至硬身即成（最少4小時/放過夜。）

備註：

1. 若想易些打碎，可先落一部份士多啤梨加全部淡忌廉打至滑身，然後再將餘下的士多啤梨逐少加入再打至軟滑。
2. 最好將士多啤梨中心比較酸的白色部份切去及盡量留起較熟的士多啤梨用作切小粒之用，否則吃雪糕時嘗到太酸的士多啤梨粒會影響口感！不太熟的士多啤梨可與忌廉同打，因為可以加煉奶作調味而不會太酸。
3. 若大部份士多啤梨都是偏酸而需要落較多的煉奶（50g以上）作調味，則食譜中淡忌廉的份量應相對減少，以免做出來的雪糕糊太稀影響效果。

如要看更多製作過程的相片，請到：


http://www.facebook.com/media/set/?set=a.371786122891306.81878.160110140725573&type=1

If you like my recipe, please "Like" my page in Facebook! Thanks for your support! ^_^

芒果雪葩（全人手超級簡易版）

我今次用嘅方法和材料超級簡單，只須熟芒果一個便可做出一大碗芒果雪葩，足夠用來做好多個雪糕月餅個黃了！ 

Are you ready?? Let's try to make ice-cream Mooncake step-by-step!!! ^0^

材料：
熟芒果 1-2個
魚膠粉 （1個芒果- 1/4茶匙；2個-1/2茶匙）
熱滾水 （ 用來溶解魚膠粉的；1個芒果用1/2湯匙水；2個芒果用1湯匙水）

做法：

1. 將芒果去皮去核後切粒，然後用匙羹把芒果粒壓成蓉，過篩後便成芒果汁了（我將隔去的纖維部份亦加入芒果汁中）。
2. 魚膠粉加入熱水拌勻至完全溶解後拌入芒果汁中。
3. 將芒果汁用保鮮紙蓋好後，放入冰格冷藏1.5小時至硬身後，取出用鐵叉抓鬆，輕輕壓平後放回冰格冷藏；1.5小時後，將以上動作重覆一次，放回冰格冷藏至完全硬身（若須3小時／放過夜）後即成！

備註：

1. 魚膠粉的作用是令雪葩做好後冇咁易溶；但若嫌麻煩，魚膠粉亦可以不加。
2. 若芒果不夠熟而不夠甜，可以先將1湯匙砂糖拌入2湯匙熱滾水中拌勻成糖水，然後逐少拌入芒果汁中直至試味後覺得夠甜便可。（若需加入糖水調味，最好在步驟（2）預先多溶1／4茶匙魚膠粉備用）
3. 做雪葩比做雪糕方便，因為唔怕雪「過龍」，就算唔記得雪耐咗都唔怕，隨時雪硬了都可以拿出來用叉抓鬆，只要共重覆2-3次便可！

如要看更多製作過程的相片，請到：

http://www.facebook.com/media/set/?set=a.371466362923282.81793.160110140725573&type=1

If you like my recipe, please "Like" my page in Facebook! Thanks for your support! ^_^

自家製 Hello Kitty 雪糕月餅

其實我去年已構想做這個Hello Kitty 雪糕月餅用來送禮了，只是工作太忙一沒有時間實行，中秋節便過去了。因此，我今年決定早一點行動，以免重蹈覆轍！

這是我第一次做雪糕月餅，唔知大家會俾幾多分我呢？我今次用咗黑朱古力做「皮」、粒粒士多啤梨雪糕做「餡」，而芒果雪葩就做「黃」，靚嗎？係咪好想食番個呢？^_^

我估若要在市面買這樣一盒 Hello Kitty 雪糕月餅一定超貴，不如大家今年都齊齊整返幾盒雪糕月餅送禮吖，親朋戚朋們（尤其是小朋友）收到一定開心到飛起呢！^0^

預祝各位中秋節快樂！

材料：
（餡）士多啤梨雪糕 128g
（黄）芒果雪葩 28g
（皮）黑朱古力 120g

做法：

1. 先將朱古力粒用熱水座溶備用。                                                                                     （每個Hello Kitty模約需30g朱古力：Kitty面-24g / 底部-6g）
2. 將芒果雪葩置室温約5分鐘後，用圓形小匙舀出一小匙芒果雪葩，然後用保鮮紙包成小圓球後，放回冰格冷藏至硬身備用。（共需要4粒，每粒若重7g）
3. 先將24g朱古力溶液均勻塗於摸中，塗完4個Kitty模後放入冰格冷藏15分鐘備用。放入冰格冷藏15分鐘備用。
4. 取出已雪硬的朱古力模，先舀少許雪糕放底，將已雪硬及除去保鮮紙芝芒果雪葩粒置於模的中間位置。
5. 接著，將雪糕填滿（9成滿）模中，輕輕抹平雪糕表面後，放回冰格泠藏至硬身（若需3小時／放過夜）。
6. 取出已雪硬的Kitty雪糕，用小刀舀起少許朱古力溶液（約6g），像塗牛油於麵包般快手在雪糕表面抹平。
7. 取出已雪硬的雪糕月餅，將模倒轉後輕輕反起矽膠至整個Hello Kitty月餅完全離模後即成！

備註：

1. 切雪糕月餅小貼士：  宜於冰格取出月餅放室温約5分鐘後才切；先將金屬刀浸熱水一會後抹乾，放在月餅上要切的地方，待表面朱古力溶了後就一刀切到底；若底部的朱古力很厚，可考慮將刀抽出再浸熱水後才切，這樣朱古力會冇咁易碎的。

如要看更多製作過程的相片，請到：

http://www.facebook.com/media/set/?set=a.370891899647395.81635.160110140725573&type=1

If you like my recipe, please "Like" my page in Facebook! Thanks for your support! ^_^

親子餐：一囗黃金飯團

你的小朋友吃飯是否經常坐唔定，甚至要人餵？一餐飯要好耐先吃完？吃少許就話飽唔食？揀飲擇食，例如唔食南瓜或紅蘿蔔？
如有以上情況發生，就一定要試做這飯團了！！
因為這飯團不單製作簡單快捷方便（所有材料飯面蒸熟即可）、營養豐富（有肉有蔬菜）、顏色鮮艷吸引...........最重要係小朋友吃飯會自動波、吃得快、吃得比平時多、重會吃得超開心！大人小朋友都會十分享受這一餐架！（若家裡有做飯團的工具，讓孩子們自己動手做飯團，效果更佳！^_^）
我就十分享受喇！因為唔駛煮咁多碟餸之餘，食飯又唔駛勞氣！真係正啊！^0^
有小朋友嘅你哋一定要試試呀！

材料：（二人份量）

做法：

備註：