芒果雪糕（不須用雪糕機及不用加蛋）

材料：

芒果肉 200g

椰漿 100g

淡忌廉 100g

砂糖 15g （我這次買的芒果好甜！大家請按芒果的甜度自行調較糖的份量！）

做法：

1. 先將芒果去皮切粒備，放進冰箱雪至硬身。
2. 將椰漿和砂糖放進小鍋中，用慢火煮至糖全溶後熄火，放涼備用。（可座冰水以加速冷卻）
3. 用電動打蛋器先將淡忌廉打發至八成企身備用。
4. 用攪拌機把笀果肉和椰漿打至滑身，然後加入巳打發的淡忌廉繼續攪拌至完全混合。
5. 將雪糕糊放進冰箱冷藏約1.5小時，然後取出用叉扒鬆或電動打蛋器打鬆後，再放回冰箱冷藏，約1.5小時後再重覆做１次即可。
6. 將做好的雪糕放進冰箱冷藏至少四小時（或放過夜）至完全硬身後，便可用雪糕勺舀出雪糕球品嘗了！

芒果栗子戚風蛋糕（用自製栗子蓉）

今次到細舅父生日，特別用新鮮栗子做栗子蓉，做了他至愛的栗子蛋糕！蛋糕是用雲呢拿籽做的雲呢拿戚風蛋糕，十分鬆軟和濕潤！這是低糖、少油、少cream版，所以大家在晚飯吃得飽飽後，仍將蛋糕吃得津津有味而不覺膩！Yummy！^_^


-- 發送自我的 iPhone

《夏日消暑推介 》青檸雪葩

其實我從未食過青擰雪葩，今次是應 fans（呵呵！真係估唔到白己都會有粉絲！^0^） 要求試做的！我記得我係電視看過廚師教做士多啤梨葩，所以今次就照板煮碗嘗試用青擰來做！
做雪葩比做雪糕更容易，材料簡單又經濟，味道好 fresh 好適合夏天用來消暑！Yummy！Yummy！^_^

材料：

清水 300g

砂糖 90g

青檸汁 40g（約兩個青檸）

青檸皮 （兩個青檸表面青色的果皮）

做法：

1. 把兩個青檸切開一半搾汁，然後用篩隔去核和果肉後備用。
2. 把清水、砂糖和一半青檸皮放進小鍋中，用慢火把砂糖慢慢煮至完全溶化後便可熄火，
   加入青檸汁和餘下的青檸皮拌勻，然後倒進長方型的容器內放涼備用。
3. 將已完全放涼的青擰水放進冰箱冷藏至少兩小時（可放過夜）後，取出用叉扒鬆後再壓平放回冰箱再冷藏，兩小時後再重覆做一次。
4. 如想雪葩做出來細緻啲，可隔兩小時後重覆再做多次後，放回冰箱冷藏至少兩小時至硬身，即可用雪糕勺舀出雪葩球享用了。

備註：

1. 其實做雪葩比做雪糕易，雖然冷藏的時間較長，但不須像做雪糕般一定要按時取出用叉扒鬆（因為雪糕漿雪得過硬便不能扒鬆了）。只要把雪葩冷藏至少兩小時，放過夜亦可，只要有空就記得取出來用叉扒鬆，共重覆做２至３次便可。
2. 一定要待雪葩完全雪硬後才可用叉扒鬆；扒鬆雪葩時要動作亦要快些，因雪葩比雪糕更快溶化！若雪葩在半溶半硬的狀態時用叉扒鬆，做好的雪葩質地會較粗糙（因為所扒鬆的冰粒會較大）。
3. 其實網上有些食譜會加魚膠粉來做（應可縮短冷藏的時間及令雪葩無咁易溶化），但我喜歡用最少的材料來做，因此並無加入亦未試過。大家若有興趣嘗試，防加半茶匙魚膠粉（先用20g熱水拌勻備用，最後才加進煮好的青檸水中，其餘步驟相同，冷藏時內可能只須１小時）試試看啊！
4. 這份量是較適合小朋友口味，不太濃味和不太酸，甜味適中。若喜歡較濃味的，可增加青檸汁或減少清水的份量，只要試啱自己口味才放進冰箱冷藏便可。

手造卡通棒棒曲奇

連續同阿女出了幾日街，重要係晚晚十點幾才回家，超疲累！阿女今日都投降話好攰唔去街了!  於是，我們今天就在家裡整曲奇餅親子吓！！^_^

我是第一次做這種曲奇（食譜改自＜自家製曲奇小蛋糕2＞）因為要用手搓來造型，所以低筋麵粉的比例比平時做開的曲奇要多！我都諗住一定好硬唔好食，諗住同阿女玩下就算！我同阿女都真係玩得好開心，她好像玩泥膠般不斷做出不同的人像（我都要整快啲，唔係啲粉團就俾佢用晒！），重一路係咁食我啲餅乾條同朱古力粒添！不知幾 happy !^0^
到曲奇餅出爐及放涼後，我和阿女都急不及待一嚐自己嘅手勢！嘩！又好好味唔係好硬喎，甜度啱啱好，真係要讚下自己！！嘻嘻！
（因為我連原本的食譜都未做過，就大幅改動食譜，真係無諗過會咁好味！Yeah！）

食譜改自＜自家製曲奇小蛋糕2＞

我最後做了成枱曲奇，阿女話小朋友收到後好開心呢！^0^

 

材料：（可做出 ~ 12支棒棒曲奇）

無鹽牛油 70g

原黑蔗糖 80g

全蛋 1隻

低筋麵粉 185g + 15g

粟粉15g

無糖可可粉 10g

鹽 少許

餅乾條 適量

入爐朱古力粒 適量

做法：

（圖２）

﹝圖１）





1. 用鍚紙包好餅乾條（以免焗曲奇餅時餅乾條會焗燶）備用。
2. 將185g低筋麵粉、15g粟粉和鹽過篩備用。
3. 預熱焗爐於190度。
4. 將巳在室溫下軟化的牛油和黑糖用電動打蛋器打發至完全混合。﹝圖１）
5. 分次加入雞蛋，繼續打發至完全混合。
6. 將已過篩的麵粉和粟粉分次加入蛋糊內，繼續打發至完全混合。
7. 將麵糊分開兩份，一份篩入可可粉用電動打蛋器拌勻﹔另一份篩入15g低筋麵粉拌勻後搓成麵團備用。（圖２）
8. 在枱上鋪一小張牛油紙（便於將做好的麵團轉移到焗盤上），先放一支餅乾條，然後在沒有包錫紙的部份放上麵團輕輕壓實及做出各式造型。
9. 把已造型的麵團放於焗盤上，放進焗爐以190度焗10-15分鐘（視乎麵團的厚薄），然後取出放於架上放涼。

備註：

1. 由於要用來造型，麵團不能造得太軟身（我已用15g粟粉代替部份低粉，以令曲奇餅鬆化些之餘麵團亦不會太軟身）所以這款曲奇吃起來會比較硬一點。
2. 我選用原黑蔗糖是因為覺得這種糖比較天然有益，味道亦較香。若不想特別購買，可用黃糖或砂糖代替。
3. 最好把厚薄相若的造型曲奇一起焗，以免一些（厚的）曲奇還未熟透而另一些（薄的）巳焗燶。
4. 造型時間越短越好，若麵團因放在手中太久而出油，做出來的曲奇餅會十分硬，難以嘴饞！

若想看多些製作圖片，請到：

http://www.facebook.com/media/set/?set=a.169000556503198.41946.160110140725573&type=1

If you like my recipe, please "Like" my page in Facebook, Thanks!

自製母親節蛋糕2011

自製鮮牛油

大家做完蛋糕或雪糕後有沒有用剩的淡忌廉？淡忌廉開封後能儲藏太久（盒上註明開封後最好三日內用完），有時​用剩少少又唔夠用嚟整多個蛋糕，唔想浪費可以考慮用來做​牛油啊！方法超簡單，你都試下啦！^_^

這個方法是我睇日本北海道的旅遊特輯時學的！因為北海道盛產牛乳，他們會為遊客安排一個自製牛油的環節–就是將加了水的忌廉停攪動，直至油水分離後，隔去奶水（buttermilk）後再用清水洗淨，逼去剩下的水份再加少許鹽調味，就是我們平時吃的牛油了！

其實過程真的十分有趣，看著白白的淡忌廉慢慢變成黄黃的牛油，好神奇又好好玩呢！好啱用來做親子活動！你都快啲和子女一起試做無添加鮮製牛油啦！

材料﹕

淡忌廉（Whipping Cream）250g

飲用清水 250g

鹽 少許

做法﹕

（圖 １）

1. 用電動打蛋器或攪拌器（blender or food processor）將已混合的淡忌廉和清水以高速停攪拌。
2. 若10至15分鐘後，忌廉便會開始油水分離。
3. 再繼續攪拌多一會，便會有一層淡黃色的固體浮面了。（圖 1）
4. 倒去下面的奶水（buttermilk）。
5. 用飲用清水冲洗3-4次，再倒去所有奶水。（圖２）
6. 用茶隔或篩（咖啡濾紙亦可﹞隔去所有水份，再輕輕再甪手擠出餘下水份，剩下來的就是牛油了。（圖３）
7. 用乾淨的容器盛起，加入少許鹽拌勻調味，這便是無添加鮮製牛油了。
8. 做好的牛油若好用密封器皿盛載，可於雪櫃存放約１至２星期。 



（圖２）

（圖３）

已雪藏的鮮製牛油

備註：

1. *用來清洗牛油的水最好用較冰涼的飲用水，否則牛油很容易於清洗過程中溶化！若天氣炎熱，最好預先冷藏一瓶清水於雪櫃用來清洗牛油。
2. 以上份量我是特別做來給大家看以作參考的（250g淡忌廉可做出若70g牛油），你可用任何份量的淡忌廉來做！其實我都係第一次整咁多牛油！我通常在整蛋糕後，總是用​剩幾十克的的淡忌廉，而做出來的牛油只有幾克，足夠我在​翌日塗麵包而已！^0^
3. 若無電動打蛋器或攪拌器，用手動打蛋器亦可，只是需時會長很多（約半小時）。
4. 若想讓子女一嘗自製牛油的樂趣，可預先把一個細小有蓋的透明膠樽和一粒波子放在冰箱冷藏約１小時後，才將少量忌廉（約100g，可不用加水）倒入樽內封蓋後不停上下左右地搖動，直至聽不到波子撞擊的聲音（便知忌廉已打發成硬身狀態），然後再繼續搖動至看見分開兩層（上面是牛油而下面是buttermilk）為止，之後清洗和收藏的方法同上。
5. 如想保留buttermilk品嚐或用來做其他美食（網上說可用來做scone，亦可代替普通牛奶用來做 pancake，讓我遲些有空再嘗試做來和大家分享啦！），可用加水用電動攪拌器直接打發，步驟相同，只是可乾淨容器儲起那些未加水清洗前的buttermilk而已。
6. 雖說做好的牛油可在雪櫃儲存1-2星期，但最好盡量在幾天內吃​完啦，因為始終冇加防腐劑嘛！同時亦好視乎你有冇澈底冼去那些b​uttermilk，因為那些butermilk會令牛​油變酸的！如你聞到或吃到有酸味，那些牛油便不能食用了！

如想看多些製作圄片，請到﹕
http://www.facebook.com/photo.php?fbid=167935549943032&set=a.167934549943132.41772.160110140725573&type=1&theater#!/media/set/?set=a.167934549943132.41772.160110140725573

If you like my recipe, please "Like" my page in Facebook, Thanks!

蒜芯炒肥牛

這是我最愛煮的餸菜之一！

平時我總愛用火煱肥牛來炒，但今日剛好買了些去骨的加大拿穀飼牛肋片回家，便將之切片來炒，味道和口感都出奇地好喎，吃落十分軟滑！ ^_^

材料﹕
肥牛 150g
蒜芯 2扎
薑片 數片
蒜蓉 少許

調味：（肥牛)
豉油 3/4湯匙、砂糖 1茶匙、清水 2湯匙、麻油及胡椒粉各少許

做法：

1. 將調味料與肥牛拌勻，醃至少半小時，可放入雪櫃備用。
2. 蒜芯切去頭尾部份不要，冼淨後切成小段備用。
3. 用大火將鑊燒熱後，加少許油把薑片爆香，然後放入肥牛快炒一會，當牛肉仍有少許紅便要熄火，盛起備用。(右圖示）
4. 用大火再將鑊燒熱，加少許油把蒜蓉爆香，然後放入蒜芯慢慢炒熟（中途要加入少許清水再炒至收乾水份，重覆3次)，便可加少許鹽和糖調味，最後加1/2茶匙豉油快手炒勻。
5. 加入肥牛後輕炒數下，便可快手盛起上碟享用了。

備註：

1. 揀蒜芯小貼士：要揀尾部呈深綠色，較幼身及柔軟為佳。(柔軟=可把整扎蒜係扭毛巾般扭動亦不會折斷！）
2. 牛肉和蒜芯要分開兩次用乾淨的鑊來炒，以免容易炒燶！
3. 牛肉要燒熱鑊後用大火炒，可避鎖住水份以免肉汁流失，吃起來會多汁軟滑啲！
4. 炒牛肉切勿全熟才熄火，因為鑊的熱力會繼續把牛肉加熱，牛肉便會過熟而變韌了！
5. 炒蒜芯調味時，要落太多鹽，因為蒜芯並不像其他蔬菜般吸收鹽份，只黏在表面很容易會過鹹。
6. 炒蒜芯調味時，最後落少許豉油炒勻會較香和入味，但一定要快手炒勻，因為落豉油後會很容易燶！

如想睇多些製作過程的圖片，請到﹕

http://www.facebook.com/media/set/?set=a.166949650041622.41644.160110140725573&saved#!/media/set/?set=a.166949650041622.41644.160110140725573



If You like my recipe, please "Like" my page in facebook! Thanks!! ^_^

雲呢拿杏仁雪糕 ( Vanilla Roasted Almond )

 ＜這食譜並不須用雪糕機或攪拌器，亦不用加蛋！＞

材料：（2杯分量）
淡忌廉 140g
鮮奶 60g
粟粉 2茶匙 （8g)
砂糖 10g（ 少甜： 6g)
雲呢拿杍 少許
或（雲呢拿香油 1／4茶匙）
杏仁碎 20g (份量隨意！）

做法：

1. 用白鑊（用加油）把杏仁碎用慢火炒香，盛起放涼備用。
2. 將 20g鮮奶和8g粟粉拌勻備用。
3. 將餘下的鮮奶和淡忌廉放進小鍋中用細火煮熱，再加入雲呢拿籽煮一會（這樣才出味！如用香油就不須煮太耐）。
4. 當忌廉微滾後，便可一邊將（1）慢慢倒進忌廉中，一邊用木勺不停攪拌以免凝結成一團！
5. 當雪糕糊再次微滾後，便可熄火倒進濶囗容器內，待完全放涼後便可放進冰箱冷藏。
6. 約2小時後取出了雪糕糊用長叉扒鬆後，輕輕壓平再放入冰箱冷藏。
7. 約1小時後，取出雪糕糊再用叉扒鬆一次，加入杏仁碎拌勻後，便可放進小杯內輕輕壓平，最後在桌上再「凳」幾下便可放進冰箱冷藏。
8. 最少冷藏4小時或放過夜後便可享用了。
9. 最好把雪糕取出放室溫約10分鐘後，待雪糕軟身一點才吃最佳。

備註：

1. 把做好的雪糕漿放涼時 ，最好可以隔一會便攪一攪，以避免表面結了一層深色的薄膜，影響賣相和口感。
2. 如想縮短放涼的時間，可以把雪糕漿座於冰水裡，那麼不消15分鐘便可放進冰箱冷藏了。 
3. 盡量用較濶身的器皿來放雪糕漿，因為這樣的雪糕漿會較薄，這樣便可縮短冷藏的時間，可以快些拿出來扒鬆和快些做好了！此外，這樣亦可有多些空間用來扒鬆和攪動，避免雪糕彈出器皿外，浪費心機了。 如能用金屬器皿剩盛載更佳！
4. 冷藏後，最好是周圍已凝結，中央還是軟身時扒鬆最佳；若連中央的部分都已變硬，便很難用叉扒鬆了。
5. 如想做多點雪糕，份量增加之餘，冷藏時候亦相對增加，請自行調較！亦可考慮分開兩個器皿盛載，那麼冷藏時間便須額外增加了。
6. 做好的雪糕最好在一星期內吃完，否則雪糕面會結霜影響口感。若大家想存放耐一點，亦可嘗試貼着雪糕面放一張膠紙（保鮮紙大薄，蛋糕圉邊用的膠片較佳），然後輕輕唧出所有空氣才放進雪櫃冷藏。

如想睇多些製作過程的圖片，請到﹕

-- 發送自我的 iPhone

新口味：楓蜜合桃雪糕

昨日逛街，見到有加拿大出產的楓蜜糖漿，即刻買咗支回家，做了我的至愛口味- 楓蜜合桃雪糕！

呢款雪糕出面好難買到嫁，就算有都是超甜的！宜家喺屋企都可以整到啱口味的楓蜜合桃雪糕，實在太好了！ Yeah！！

＜這食譜並不須用雪糕機，亦不用加蛋！＞

材料：(2杯分量）

淡忌廉 140g

鮮奶 60g

粟粉 2茶匙 （8g)

楓蜜糖漿 2湯匙+1茶匙 （若喜歡較甜味，可酌量增加份量）

合桃 30g (若不喜歡太濃味，可稍為減少份量！）

做法：

1. 將30g合桃用白鑊（加油）微微炒香至聞到香味，熄火盛起放涼。
2. 用攪拌器把已放涼的合桃打碎到細細粒，盛起其中20g備用，然後加入1茶匙糖漿繼續攪拌成合桃醬備用。
3. 將 20g鮮奶和8g粟粉拌勻備用。
4. 將2湯匙楓蜜糖漿放入鍋中用慢火煮熱至稍為杰身(減少若1/3份量)。
5. 將餘下的鮮奶和淡忌廉放進小鍋中用慢火繼續加熱。
6. 當忌廉微滾後，便可一邊將（3）慢慢倒進忌廉中，一邊用木勺不停攪拌以免凝結成一團！
7. 當雪糕糊再次微滾後，便可熄火倒進濶囗容器內，待完全放涼後便可放進冰箱冷藏。
8. 約2小時後取出了雪糕糊用長叉扒鬆後，輕輕壓平再放入冰箱冷藏。
9. 約1小時後，取出雪糕糊再用叉扒鬆一次後，先加入合桃醬後再加合桃碎輕手拌勻。
10. 將(9)放進小杯內輕輕壓平，最後在桌上再「凳」幾下便可放進冰箱冷藏。
11. 最少冷藏4小時或放過夜後便可享用了。
12. 最好把雪糕取出放室溫約10分鐘後，待雪糕軟身一點才吃最佳。

 備註：

1. 把做好的雪糕漿放涼時 ，最好可以隔一會便攪一攪，以避免表面結了一層深色的薄膜，影響賣相和口感。
2. 如想縮短放涼的時間，可以把雪糕漿座於冰水裡，那麼不消15分鐘便可放進冰箱冷藏了。 
3. 盡量用較濶身的器皿來放雪糕漿，因為這樣的雪糕漿會較薄，這樣便可縮短冷藏的時間，可以快些拿出來扒鬆和快些做好了！此外，這樣亦可有多些空間用來扒鬆和攪動，避免雪糕彈出器皿外，浪費心機了。如能用金屬器皿剩盛載更佳！
4. 冷藏後，最好是周圍已凝結，中央還是少許軟身時扒鬆最佳；若連中央的部分都已完全變硬，便很難用叉扒鬆了。
5. 如想做多點雪糕，份量增加之餘，冷藏時候亦要相對增加，請自行調較！亦可考慮分開兩個器皿盛載，那麼冷藏時間便須額外增加了。
6. 做好的雪糕最好在一星期內吃完，否則雪糕面會結霜影響口感。若大家想存放耐一點，亦可嘗試貼着雪糕面放一張膠紙（保鮮紙大薄，蛋糕圉邊用的膠片較佳），然後輕輕唧出所有空氣才放進雪櫃冷藏。

如想睇多些製作過程的圖片，請到﹕
http://www.facebook.com/editphoto.php?aid=41701&id=160110140725573&success=1&failure=0#!/media/set/?set=a.167412176662036.41701.160110140725573

If You like my recipe, please "Like" my page in facebook! Thanks!! ^_^

是日晚餐（蒜芯炒肥牛、肉碎炒雜菜、番茄炒蛋）

出街食了幾日晚飯，今晚終於有住家飯食喇！

綠茶雪糕

我的細表妹特別喜愛綠茶味嘅食物，今年就為她做了個綠茶蛋糕慶祝生日，今次就試整了綠茶雪糕！我就覺得呢個綠茶雪糕味道很濃好滑好好味，一於週末整來讓她試食下先！^_^

＜這食譜並不須用雪糕機或攪拌器，亦不用加蛋！＞

材料：（2杯分量）

淡忌廉 140g

鮮奶 60g

粟粉 2茶匙 （8g)

綠茶粉 2g

砂糖 12g （這是少甜份量，請隨個人口味自行調較）

做法：

1. 將 20g鮮奶和8g粟粉拌勻備用。
2. 坐熱20g鮮奶加入2g綠茶粉拌勻備用。
3. 將餘下的鮮奶和淡忌廉放進小鍋中用細火煮熱，再加入(2)和12g砂糖。
4. 當忌廉微滾後，便可一邊將（1）慢慢倒進忌廉中，一邊用木勺不停攪拌以免凝結成一團！
5. 當雪糕糊再次微滾後，便可熄火倒進濶囗容器內，待完全放涼後便可放進冰箱冷藏。
6. 約2小時後取出了雪糕糊用長叉扒鬆後，輕輕壓平再放入冰箱冷藏。
7. 約1小時後，取出雪糕糊再用叉扒鬆一次，然後便可放進小杯內輕輕壓平，最後在桌上再「凳」幾下便可放進冰箱冷藏。
8. 最少冷藏4小時或放過夜後便可享用了。
9. 最好把雪糕取出放室溫約10分鐘後，待雪糕軟身一點才吃最佳。

備註：

1. 把做好的雪糕漿放涼時 ，最好可以隔一會便攪一攪，以避免表面結了一層深色的薄膜，影響賣相和口感。
2. 如想縮短放涼的時間，可以把雪糕漿座於冰水裡，那麼不消15分鐘便可放進冰箱冷藏了。
3. 盡量用較濶身的器皿來放雪糕漿，因為這樣的雪糕漿會較薄，這樣便可縮短冷藏的時間，可以快些拿出來扒鬆和快些做好了！此外，這樣亦可有多些空間用來扒鬆和攪動，避免雪糕彈出器皿外，浪費心機了。 如能用金屬器皿剩盛載更佳！
4. 冷藏後，最好是周圍已凝結，中央還是少許軟身時扒鬆最佳；若連中央的部分都已完全變硬，便很難用叉扒鬆了。
5. 如想做多點雪糕，份量增加之餘，冷藏時候亦相對增加，請自行調較！亦可考慮分開兩個器皿盛載，那麼冷藏時間便須額外增加了。

如想睇多些製作過程的圖片，請到﹕
http://www.facebook.com/photo.php?fbid=167429426660311&set=a.167412176662036.41701.160110140725573&type=1&theater#!/media/set/?set=a.166407223429198.41555.160110140725573

If You like my recipe, please "Like" my page in Facebook! Thanks!

曲奇妙趣雪糕（Cookies & cream)

這次仍是用最簡單和用最少工具的方法來做，不需要用雪糕機亦不用攪拌器！

希望大家都可以享受整甜品既過程之餘(又唔駛洗咁多＂架生＂），又可以常常食到自家製新鮮美味又無添加的美食啦！

好易做嫁！你都快啲試下整啦！^_^



材料：（2杯分量）
淡忌廉 140g
鮮奶 60g
粟粉 2茶匙 （8g)
砂糖 10g（ 少甜： 6g)
雲呢拿杍 少許
或（雲呢拿香油 1／4茶匙）
Oreo 曲奇餅碎 10g (份量隨意！）

做法：
1. 將 20g鮮奶和8g粟粉拌勻備用。
2. 將餘下的鮮奶和淡忌廉放進小鍋中用細火煮熱，再加入雲呢拿籽煮一會（這樣才出味！如用香油就不須煮太耐）。
3. 當忌廉微滾後，便可一邊將（1）慢慢倒進忌廉中，一邊用木勺不停攪拌以免凝結成一團！
4. 當（3）再次微滾後便可熄火，倒進濶囗容器內放涼。
5. 完全放涼後便可放進冰箱冷藏。
6. 約2小時後取出了雪糕糊用長叉扒鬆後，輕輕壓平再放入冰箱冷藏。
7. 約1小時後，取出雪糕糊再用叉扒鬆一次，加入Oreo餅碎拌勻，然後便可放進小杯內輕輕壓平，最後在桌上再「凳」幾下便可放進冰箱冷藏。
8. 最少冷藏4小時或放過夜後便可享用了。
9. 最好把雪糕取出放室溫約10分鐘後，待雪糕軟身一點才吃最佳。

備註：
1. 把做好的雪糕漿放涼時 ，最好可以隔一會便攪一攪，以避免表面結了一層深色的薄膜，影響賣相和口感。
2. 如想縮短放涼的時間，可以把雪糕漿座於冰水裡，那麼不消15分鐘便可放進冰箱冷藏了。


3. 盡量用較濶身的器皿來放雪糕漿，因為這樣的雪糕漿會較薄，這樣便可縮短冷藏的時間，可以快些拿出來扒鬆和快些做好了！此外，這樣亦可有多些空間用來扒鬆和攪動，避免雪糕彈出器皿外，浪費心機了。
4. 如想做多點雪糕，份量增加之餘，冷藏時候亦相對增加，請自行調較！
5. 冷藏後，最好是周圍已凝結，中央還是軟身時扒鬆最佳；若連中央的部分都已變硬，便很難用叉扒鬆了。

如想睇多些製作過程的圖片，請到﹕







-- 發送自我的 iPhone

炸蝦餅

炸蝦餅是我老公嘅至愛，每次去食越南或泰國菜都一定會order!!!
過喺屋企整就係第一次，皆因懶得剝蝦殼和整蝦膠，真係好麻煩好花時間！但食嗰個 (我老公) 就又方便又開心囉！其實我老公真你超懶！他至愛食蝦 (去飲茶就一定叫蝦餃、鮮蝦腐皮卷、蝦腸........)但就懶剝蝦殼，所以平時我通常都是將蝦開邊做蒜蓉蝦或炒蝦碌，一係就剝埋殼做炒蝦球！！>.<  寵壞了呢~~~~~~~~~~~~

最近老公多了幫手湊女，我就整個炸蝦餅獎勵下佢啦！^_^

材料：
鮮蝦 500g
蛋汁 少許
粟粉 適量

調味：
鹽、糖、胡椒粉、栗粉 各少許

做法：

1. 鮮蝦清淨剝殼挑腸後抹乾備用。
2. 取出數隻蝦切粒及用刀輕剁幾下備用。
3. 把餘下的蝦逐隻用大菜刀大力一拍一拖做成蝦蓉，然後用刀背剁一會剩起備用。
4. 加入所有調味料，用筷子順時針方向攪勻至起膠為止。
5. 用手將蝦膠弄成球狀拿起，然後大力撻回碗內，重覆約20次。
6. 將蝦膠分成兩份，弄成球狀後輕輕壓扁，抹一些蛋汁後撲一層薄薄的粟粉。
7. 將蝦餅放進滾油裡，用中細火每邊約炸5-10分鐘至熟透後，取出放在左吸油紙上印乾油份，切件上碟便可享用了。

備註﹕

1. 如用的是新鮮蝦，可先將蝦冷藏1-2小時後才取出剝殼會較為容易，因為新鮮蝦會很黏殼。
2. 最好是戴膠手套來剝蝦殼，除３不易「冼」手又易些剝殼外，亦可避免被蝦刺傷。
3. 剁好蝦膠後一定要「撻」蝦膠，「撻」的次數越多，蝦膠便會越彈牙！
4. 用小鍋落少許油半煎炸便可（若半厘米高啦），不須用太多油以免浪費外，亦冇咁油膩。

如要看製作過程的相片，請到：
http://www.facebook.com/media/set/?set=a.165036480232939.41292.160110140725573&saved

祛濕湯水-- 紅蘿蔔粟米老黃瓜煲西施骨

呢排常常覺得周身骨痛，膊頭重重咁！除咗唔夠瞓外（宜家常常帝掛住寫blog嘛 >.<），我估一定係老人家所講嘅「濕重」喇！所以今日趁有時間即刻煲個祛濕湯水飲下先！

材料：(7L 湯煲)

西施骨 1斤

老黃瓜 1個

紅蘿蔔 1個

粟米 3條

蜜棗 3粒

赤小豆、扁豆 各60g

南北杏 少許

清水 3.5L

做法：

1. 老黃瓜洗淨開半去核切件備用。
2. 紅蘿蔔和粟米洗淨切件備用。
3. 蜜棗 、赤小豆、扁豆又南北杏 洗淨隔去水份備用。
4. 西施骨氽水後用清水洗淨備用。
5. 清水煲滾後，將所有材料放進煲內用大火煲1小時，然後轉中細火再煲多1.5小時即成。

備註：

1. 揀老黃瓜小貼士﹕表皮較深色、多坑紋和重身的使為之靚喇！
2. 西施骨肉質較「林」而不肥膩，啖湯唔膩之餘連湯渣都可以食埋！
3. 西施骨一定要氽水及再用清水冲淨，否則會有一層雜質浮面(其實是血水做成的)。
4. 煲好的湯水可以蓋實等半小時至１小時後才享用，湯味會再濃一點。

Oreo 朱古力戚風蛋糕

阿女上星期五在學校開大食會，每個同學都需要帶一樣食物（要帶３人份量）和同學們分享。但今次好突然呀，到星期四阿女放學後我才收到通告要準備蛋糕(老師知我鍾意整蛋糕)！因為趕時間，唯有同阿女一齊整啦（平時我通常等佢瞓咗至整嫁）。其實我覺得今次唔係整得咁好！但阿女話老師和同學仔都覺得好好味喎！好彩啫........^_^

香滑特濃朱古力雪糕（不須雪糕機或攪拌機、不用加蛋黃）

前幾日試過將啲朱古力奶雪成冰，再同已加朱古力的cream一起打，但製成品好icy，唔好食失敗咗！！＞.＜

昨晚，雖然好夜回家（因為要同屋企人出街食飯），但都係忍唔住要再試整多一次！！我成11pm先開工，又攪到三更半夜！

今天早上，早餐都未食就急不及待拿杯雪糕出嚟試味和影相！
好彩今次終於成功喇（其實今次都係等二次整啫^_^）！今次好creamy同有好濃嘅朱古力味！Yeah! Yummy! Yummy!
不枉我瞓得咁少！呵呵！^_^

其實真係好易整嫁，今次同樣唔駛用雪糕機，就連攪拌機都唔駛用添！不須要加蛋黃，啱晒同小朋友一齊整！有得玩又有得食！正呀！

大部份小朋友都偏愛吃朱古力味嘅食物，但街外的大都是超甜！我真係唔想俾阿女食！！宜家自己做雪糕，就可以落少啲糖，咁小朋友都可以食得開心又健康啦！

你都一於試下整啦！超易！！

＜以上都是我的感受，請不要笑我hard sell 喎！我真係想大家有得玩又有得食，重要食得健康啲嫁! ^_^＞

  

材料：
淡忌廉 140g
朱古力奶 60g （可以用鮮奶代替）
62% 朱古力 50g (切成小塊備用）
無糖朱古力粉 6g
栗粉 1／2茶匙（可以落少一點，便會再軟滑一點）
砂糖 6g （這是少甜版，請隨個人口味增加份量）

做法：

1. 用10g朱古力奶和栗粉拌勻至沒有粉粒備用。
2. 將餘下的朱古力奶和淡忌廉放入鍋中，用中慢火煮熱至開始冒堙便可熄火。
3. 加入朱古力小塊和砂糖，用木勺不停攪拌至完全溶化。
4. 遂少篩入朱古力粉，用木勺不停攪拌至完全混合。
5. 開細火加熱至微微冒堙，將已攪勻的（1）慢慢拌入雪糕漿內，用木勺不停攪拌至較為杰身，便可熄火。
6. 將雪糕漿倒進較濶身的器皿內，待完全放涼後便可放進冰箱冷藏。
7. 約45分鐘後，取出混合物用鐵叉扒鬆，再放回冰箱冷藏。約45分鐘後再重複做一次，然後輕輕壓平，放回冰箱雪過夜便可享用了。

備註：

1. 如跟以上分量做的雪糕會是少甜和朱古力味十分濃的 dark chocolate ice-cream！如想做給小朋友食或想做牛奶朱古力雪糕，可以直接用較甜的牛奶朱古力片代替62%朱古力片，而無糖朱古力粉的分量亦可減半至3g，至於糖的份量就可隨個人口味而加減！
2. 把做好的雪糕漿放涼時 ，最好可以隔一會便攪一攪，以避免表面結了一層深色的薄膜，影響賣相！ 
3. 如想縮短放涼的時間，可以把雪糕漿座於冰水裡，那麼不消15分鐘便可放進冰箱冷藏了。

4. 盡量用較濶身的器皿來放雪糕漿，因為這樣的雪糕漿會較薄，這樣便可縮短冷藏的時間，可以快些拿出來扒鬆和快些做好了！此外，這樣亦可有多些空間用來扒鬆和攪動，避免雪糕彈出器皿外，浪費心機了。 
5. 如想做碎朱古力或果仁雪糕，可在雪糕漿原全放涼後，加入輕手拌勻才放進冰箱冷藏。
6. 其實做這個雪糕，並不需要特別到烘焙店買朱古力粒或無糖朱古力粉來做的，可隨意用你喜愛的朱古力條和沖朱古力奶用的朱古力粉來做便可，只要做雪糕漿時不斷試味，便可做出獨一無二啱晒你囗味的朱古力雪糕了！^_^

如想睇多些製作過程的圖片，請到﹕

http://www.facebook.com/photo.php?fbid=164525600284027&set=a.164511930285394.41190.160110140725573&type=1&theater#!/media/set/?set=a.164511930285394.41190.160110140725573

-- 發送自我的 iPhone

好開心呀！^_^

我個blog嘅瀏覽數次數今日突破5000次啦(只係短短一個月)！真係好開心呀！​多謝大家支持！^_^

其實我不嬲都鍾意整野食嫁，過以前就好少會影相做紀綠，重好多時都冇記低食譜，攪到有時想再整返都唔記得點整！>.<

到去年年底才開始整蛋糕和曲奇餅，就開始影低啲相在 facebook 同我啲朋友仔分享！
但越整越多後，我又怕post得太密會悶親我啲朋友，始終唔係個個都鍾意整嘢食嘛！

終於喺朋友Sherine鼓勵下，上個月起終於「的」起心肝開始寫blog喇！

但我發覺原來唔係個個都可以喺個blog到留言嫁，都唔知究竟別人有冇興趣和鍾唔鍾意！
冇乜feedback真係冇乜動力寫食譜嫁(因為唔識打中文，用手寫版嚟寫真係好慢好麻)！

但自從係 Baby Kingdom 分享後，見咁多人欣賞我的食物，真係超開心呢！

我要返工嫁，只係請part-time姨姨朝早湊阿女(阿女返下午班）我就返工，回家湊完阿女返學後我又再返工！放工後又要煮飯湊女，要等佢瞓咗先開始「阿戊整餅」，整完通常都已三更半夜了！

其實我真係冇乜時間寫食譜和寫blog嫁！

不過，我宜家好似上咗癮咁，就算返工嘅時候都常常諗，重有乜嘢可以整嚟同大家分享呢？嘻嘻！

希望大家可以多啲喺 BK或 facebook回應我吖，我會繼續寫多啲食譜和大家分享嫁喇！！

士多啤梨軟雪糕

今日又整咗士多啤梨雪糕，不過今次又搞搞新意思，類似 frozen yogurt 嘅食法！睇落喺咪好吸引呢？ ^_^

其實我只不過將做好嘅雪糕放入唧袋內，然後再封口放進雪櫃再雪半小時，讓雪糕較為硬身後才唧入杯內，再放一些生果和果仁，便成為如此吸引嘅軟雪糕喇！

如果屋企有小朋友，重可以到超市買現成的雪糕筒，咁以後係屋企都可以食到軟雪糕啦！

小朋友重可以試吓自己唧雪糕，佢哋實開心到飛起呢！

如果將食譜內的cream用3湯匙的純乳酪代替，便真係喺屋企都做到 frozen yogurt，唔駛再幫襯出面街嗰啲幾十蚊一碗既 Froyo喇！

士多啤梨雪糕食譜，請參考這裡：
http://jen12399.blogspot.com/2011/07/blog-post.html



-- 發送自我的 iPhone

香脆蜜糖焗杏仁 (超易整美味小食推介)

昨晚除了焗咗個Oreo朱古力戚風蛋糕俾阿女帶返學校外，重手痕整咗呢個 honey roasted almonds 俾同學仔開大食會時做小食！！

其實我不嬲都好鍾意食蜜糖焗杏仁嫁！會買鑽石牌嗰隻，不過都幾貴下，一包得少少嫁喳！ 以前冇諗過可以自己整嫁，以為係好複雜嘅事！不過前幾日無意中發現咗個食譜，於是就趁呢個機會（開大食會）整嚟試下啦！！

嘩！！原來係超易整重超好味添！！ 重可以和仔女一齊做，攪下攪下就整好嫁啦！！ 真係超容易！你都快啲試下整！暑假開始就可以和子女親子吓啦！！^_^

如果想睇多啲製作過程，請到 Facebook:
http://www.facebook.com/home.php?#!/media/set/?set=a.163548967048357.40932.160110140725573

材料：
杏仁 300g
蜜糖 2湯匙
清水 2湯匙
油 1.5 湯匙
砂糖 30g
幼鹽 2g

做法：

1. 預熱焗爐在180度，然後放入杏仁焗約10-15分鐘至表皮轉為較深的啡色。
2. 取出焗好的杏仁平均鋪在墊有錫紙的架上放涼。
3. 將砂糖和幼鹽放入大湯碗內拌勻備用。
4. 將蜜糖、淸水和油放入鍋中用中火煮滾後轉為細火，然後放進杏仁，用木勺不停攪拌至所有蜜糖汁完全被杏仁吸收便可熄火。
5. 用木勺將杏仁舀起，放進砂糖中拌勻後，立刻倒在墊有牛油紙的架上平均鋪好放涼。
6. 杏仁完全放涼後，便可放進密實瓶中存放了。

備註：

1. 做法（1）的杏仁不要焗得太深色，因為做法（4）最後剩下的油會把杏仁再炸得香和脆一些，杏仁因此會再轉深色一點！
2. 這是我第一次做這個小食，雖然我已將原來食譜中的油、砂糖和鹽的份量減半，但若是做給小朋友做小食的話，可以再減1／3分量來做會較為健康！
   
   
   
   

簡簡單又一餐 --> 芝士汁三文魚意粉

今日阿女放學，睇到學校通告先知明天要帶蛋糕和同學分享喎！真係好突然！
因為要整蛋糕，所以今晚就煮得簡單一點，不過都好好味嫁！^_^

我唔係好識煮西餐，冇試過整白汁，只是用卡X片裝芝士做芝士汁喳！只要將所有材料炒熟加芝士煮溶，落意粉炒勻調味就食得喇！

真係快！靚！正！^_^

雞蛋仔(用最少材料和功具的方法）

今天剛收工，突然收到舅父的來電，話有個雞蛋仔摸想我教表妹整雞蛋仔喎！真喺好突然！！

喺從未整過兼冇乜功具(因為唔係我屋企)又材料唔齊的情況下，終於整咗第一次雞蛋仔喇！
雖然因為婆婆屋企(因為婆婆有糖尿病，煮餸甚少落糖)只得20g糖而唔夠甜外，食落和睇落都幾似摸似樣吖！

不過真係幾好玩嫁，一於去上海街買返個嚟同阿女喺屋企玩下先！^_^




用叉輕手挑出雞蛋仔


材料：
自發粉 140g
雞蛋 2隻
砂糖 80g
清水140g
淡奶 2湯匙
油 2湯匙

做法：

1. 自發粉過篩後備用。
2. 雞蛋加砂糖拌勻後，再逐少加入淡奶及清水拌勻。
3. 逐少篩入自發粉拌勻至沒有粉粒為止。
4. 最後加入2湯匙油拌勻即成雞蛋糊。
5. 將拌好的雞蛋糊置室溫最少半小時後方可使用。
6. 把雞蛋仔模兩邊燒熱後，掃上一層油。
7. 把雞蛋糊倒進模內至8成滿，立刻反轉搖勻，再放回爐上。
8. 每邊各用中火燒約45秒，至蛋漿熟透離模成金黃色。
9. 用叉慢慢把雞蛋仔挑出，彎彎地放在碟上，放涼一會即可趁熱享用。

備註：
若想雞蛋仔脆些:

• 可先將拌好的雞蛋糊放進雪櫃冷藏一小時，再取出放室溫半小時回暖後才使用；
• 可用少一些雞蛋糊（約六成滿）來做，雞蛋仔會薄一些比較脆口，但有機會有些雞蛋仔不成形（因雞蛋糊放得不平均），所以就要搖多幾下才放回爐上燒。
• 脫模後的雞蛋仔，最好用風吹一會待稍為硬身後，才享用便會比較脆口。

輕怡士多啤梨雪糕 ( 不用雪糕機、不用加蛋黄 )

我一直都好想買部雪糕機自己整雪糕嫁，不過我個冰箱成日都好滿，實在無辨法容得下雪糕機那個要雪藏的內膽！唯有放棄！>.<

本來我又想用傳統的方法用攪拌機做雪糕，但想起要每隔一陣就要拿出來攪一攪便覺得十分麻煩，所以一直都沒有整過雪糕！

其實，我常常都用blender做乳酪雪糕嫁(因為又健康又易做)，但原來用同樣的方法，唔用乳酪而改用淡忌廉，便可做成美味的輕怡雪糕喇(因為無蛋、少糖、少cream又無奶）！Yeah！

宜家唔駛買雪糕機喇，又唔駛好似傳統方法咁每隔一陣就拿出來攪拌！真方便！^_^

呢個方法好易整嫁，你都試下啦！

材料﹕

士多啤梨 200g

淡忌廉 100g

糖粉 10g (這份量是少甜版，請根據個人口味和士多啤梨的甜度自行調較)

做法﹕

1. 士多啤梨洗淨切成大粒，放進冰箱雪至硬身。
2. 將所有材料放進電動攪拌器內打至滑身。
3. 將雪糕糊倒進小杯內，冷藏至硬身即成。

備註：

1. 若想易些打碎，可先落一部份士多啤梨加全部淡忌廉打至滑身，然後再將餘下的士多啤梨逐少加入再打至軟滑。
2. 如想增加口感，可以把一些士多啤梨(份量隨意)切成小粒或用攪拌器微微打碎，放入已做好的雪糕糊內輕手拌勻才放冰格冷藏，吃雪糕時便可吃到新鮮果肉了。

英文食譜及做法的圖片在此:

http://www.facebook.com/pages/Jennifers-Kitchen/160110140725573#!/media/set/?set=a.160596870676900.40327.160110140725573

Oreo cheese cake

今天下午約了好耐無見的朋友食飯，答應了會整個芝士蛋糕送給他！
查實我已有半年冇整過芝士蛋糕啦！(第一次是整日式芝士蛋糕，第二次就整籃莓芝士蛋糕，今次是我第三次整芝士蛋糕)！ 今次還一次過做了兩個添！

第一次做這款Oreo芝士蛋糕，食譜是上網找的，只是慣常地減少糖的份量。 今早返工前切了一個試味......唔太甜好好味呀！ 整芝士餅比戚風蛋糕易做好多，送禮一流，大家值得一試！
( 食譜改良自foodbook.com迪比廚房）

材料：(6吋圓模)
忌廉芝士 250g
砂糖 45g
雞蛋 2隻
淡忌廉 80g
Oreo 餅乾 3片(揑成小塊)
Oreo 餅碎 10g

餅底材料:
Oreo 餅碎 80g
牛油 30g

做法:

1. 忌廉芝士及雞蛋放室温(約半小時或以上)備用。
2. 首先把座溶牛油與80g餅碎拌勻，平均鋪在巳墊有牛油紙的餅模內並壓實，然後放進雪櫃備用。
3. 預熱焗在175度。
4. 把忌廉芝士切成小塊，加入砂糖用電動打蛋器攪至滑身。
5. 加入淡忌廉攪至完全混合。
6. 加雞蛋，再攪至完全混合。
7. 加入10gOreo餅碎及揑成小塊的Oreo餅乾，然後輕手拌勻。
8. 用一塊鍚紙包住餅模的底部，然後倒入蛋糕糊。
9. 把蛋糕模放入注了熱水的平底金屬盤中。
10. 用175度焗約50分鐘至表面呈金黃色。
11. 取出蛋糕，放在架上放涼。
12. 待完全放涼，放進雪櫃冷藏後(最好放過夜)便可切件享用了。

備註:
用水蒸焗的方法，可避免蛋糕表面裂開。但我較喜歡乾身的芝士餅，所以只在焗盤內注入約0.5cm深的熱水。約40分鐘後，所有的水份都會全部蒸發掉，餘下時間便較易把蛋糕焗成金黃色又乾身了。